+7 (777) 001 44 99
Қазақша
Русский
English
Нью-Йорк штатында үш мың адамның арасында жүргізілген зерттеу қорытындысы тұрғындардың 13,9 пайызында коронавирусқа антидене барын көрсетті. Бұл туралы штат губернаторы Эндрю Куомо мәлімдеді, - деп хабарлайды Tengrinews.kz РИА Новостиге сілтеме жасап.
Губернатор мұндай нәтиже штатта 2,7 миллион адамның COVID-19 жұқтырғанын болжауға мүмкіндік беретінін атап өтті.
"Біз Нью-Йорк штатында инфекция жұқтыруы мүмкін адамдардың санын анықтау үшін ірі зерттеу жүргіздік... Бізде бірінші фазаның алды ала деректері бар және соларды жалғастыра береміз. Бізде үш мыңға жуық тест бар... штаттың 19 округінен, 40 елді мекенінен. Зерттеулер азық түлік дүкендерінде және т.б. жерлерде жасалды, яғни біз карантин кезінде үйден шығуға рұқсат етілген адамдардан тест алып жатырмыз", - деді Куомо баспасөз конференциясында.
"Әзірше 13,9 пайызы антидененің барын көрсетті. Бұл осы адамдардың КВИ жұқтырғанын және оларда вирусқа қарсы антидене пайда болғанын білдіреді. Көрсеткішке қалай әсер етеді? Егер тұрғындардың 13,9 пайызы болса, онда шамамамен 2,7 миллион адам жұқтырған", - деді ол.
"Комсомольская правда" басылымы Штат АҚШ-та коронавирус пандемиясының орталығында тұрғанын хабарлады. Нью-Йорк қаласының билігі мамыр айының ортасында инфекция жұқтырғандардың саны күрт көбейеді деп болжап отыр.
Қазақстан жаңалықтары. Соңғы жаңалықтар. Telegram желісінде бізге жазыл!
