Барак Обама 1945 жылы АҚШ-тың бомбалауынан және Екінші дүниежүзілік соғыстан қаза тапқандарға Бейбітшілік мемориалдық саябағында құрмет көрсету мақсатында Хиросимаға тарихи сапармен барды, - деп хабарлайды CNN.
Хиросимада Обама еске алу мұражайына баруды да жоспарлап отыр. Сонымен қатар, ол америкалық атом бомбасы тасталған кезде тірі қалғандардың бірімен кездеседі. Айта кетейік, Барак Обама Хиросимаға барған АҚШ-тың алғашқы президенті болып отыр.
1945 жылы Жапонияның екі қаласы - Хиросима мен Нагасакиге атом бомбалары тасталған болатын. Салдарынан 450 мың адам қаза тапты.
