+7 (777) 001 44 99
Қазақша
Русский
English
Қазақша
Русский
English
Өзбекстан президенті Шавкат Мирзиёев үлкен қызы Саида Мирзиёеваны президент әкімшілігінің байланыс және ақпарат саясаты секторының меңгерушісі қызметіне тағайындады. Бұл туралы Өзбекстан президентінің баспасөз хатшысы Шерзод Асадов өзінің Telegram-арнасында мәлімдеді, - деп хабарлайды Tengrinews.kz тілшісі.
Асадовтың айтуынша, Саида Мирзиеева әлеуметтік саладағы, мәдениет және білім саласындағы реформалардың орындалу барысын бақылайтын болады.
"Әлемдік экономика және дипломатия университетінің түлегі, Ташкент мемлекеттік заң университетінің және Ломоносов атындағы Мәскеу мемлекеттік университетінің магистрі, экономика ғылымдарының кандидаты Саида Мирзиеева көптеген жылдар бойы түрлі салаларда жұмыс істеді, атап айтқанда 2019-2020 жылдары Президент Әкімшілігі жанындағы Ақпарат және бұқаралық коммуникациялар агенттігі директорының орынбасары, 2022 жылдан бастап бүгінге дейін Ұлттық бұқаралық ақпарат құралдарын қолдау және дамыту қорының қамқоршылық кеңесінің төрағасы.
Оның қызметі барысында сөз бостандығын қамтамасыз ету, баспасөз қызметтерінің, министрліктер мен ведомстволарда ашықтық саясаты қызметін енгізу, мәдениет саласын дамыту, сондай-ақ гендерлік теңдік мәселелері бойынша көптеген жобалар іске асырылды", - деп жазды Өзбекстан президентінің баспасөз хатшысы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Қолданушыларымызға ыңғайлы болуы үшін пікір авторларының орналасқан жерін автоматты түрде анықтау функциясын жасадық.
Введите свою почту и пароль
0:00