Өзімізге қабір қазып жатырмыз - БҰҰ басшысы

Дина Шарипханова Корреспондент

Фото ©REUTERS

БҰҰ бас хатшысы Антониу Гутерриш әлем көшбасшылары мен жұртшылықты табиғатқа әжетхана тәрізді қарауды тоқтатуға шақырды, - деп хабарлайды Tengrinews.kz тілшісі БҰҰ сайтына сілтеме жасап.

БҰҰ бас хатшысы Антониу Гутерриш әлем көшбасшылары мен жұртшылықты табиғатқа әжетхана тәрізді қарауды тоқтатуға шақырды, - деп хабарлайды Tengrinews.kz тілшісі БҰҰ сайтына сілтеме жасап.

Глазгодағы БҰҰ-ның климаттың өзгеруі жөніндегі конференциясының ашылуында БҰҰ басшысы бүгінде адамзат алдында "қатаң таңдау" тұрғанын айтты: не бұл процесс тоқтайды, не дағдарыс планетадағы тіршілікті тоқтатады.

Our addiction to fossil fuels is pushing humanity to the brink. It’s time to say: enough.

Enough brutalizing biodiversity.

Enough killing ourselves with carbon.

Enough treating nature like a toilet.

Enough burning & drilling our way deeper.

We are digging our own graves. pic.twitter.com/7cS2L59Tub
— António Guterres (@antonioguterres) November 1, 2021

"Биологиялық әртүрлілікке зиян келтіруді тоқтату керек, көміртегі шығарындылары арқылы өзімізге зиян келтіруді тоқтату керек, табиғатқа әжетхана тәрізді қарауды тоқтату керек, өртеуді, бұрғылауды және қазуды тоқтату керек. Өзімізге қабір қазып жатырмыз", - деп ескертті Гутерриш.

Ол планета көз алдымызда өзгеріп жатқанын айтты. Оның айтуынша, теңіз деңгейі 30 жыл бұрынғыдан екі есе жылдам көтеріліп, мұхиттардағы мұз еріп, Амазонканың кейбір бөліктерінде тропикалық ормандар көбірек көміртек шығарып жатыр.

"Егер климаттың өзгеруіне қарсы іс-қимыл туралы соңғы мәлімдемелерге құлақ ассаңыз, жағдай өзгеру жолында тұрғандай көрінуі мүмкін. Бұл - елес", - деді БҰҰ Бас хатшысы.

Ол климаттың өзгеруіне төзімді экономикаға қаражат салуға шақырды. Гутерриш мұндай инвестициялар тұрақты өсуге, жұмыс орындарын құруға және жаңа мүмкіндіктердің пайда болуына ықпал ететініне сенімді.

Париж келісімі бойынша бекітілген тетіктерден басқа, БҰҰ басшысы мемлекеттік емес субъектілердің таза нөлдік шығарындыларына қолжеткізу бойынша міндеттемелерді бағалаудың нақты стандарттарын белгілеу бойынша жұмыс істейтін сарапшылар тобын құру туралы шешім қабылдады.