+7 (777) 001 44 99
Қазақша
Русский
English
Пәкістан армиясы Үндістанға қарсы кең ауқымды әскери операцияны бастады, - деп хабарлайды Tengrinews.kz тілшісі.
Geo TV мәліметінше, операцияның мақсаты - бірнеше әскери нысан.
"Кейінгі үш күн ішінде Үндістанның үздіксіз агрессиясына қарамастан, Пәкістан шиеленістен аулақ болды", - дейді елдің сыртқы істер министрі Исхак Дар.
Оның айтуынша, Үндістан Пәкістанды бірнеше рет соққылар жасады деп айыптаған. Дегенмен ол бұл Пәкістанның алғашқы шабуылы екенін жеткізді.
Сыртқы істер министрінің пікірінше, Нью-Дели Исламабадты "халықаралық қауымдастық алдында агрессор ретінде көрсетуге тырысқан, бірақ әлем бұған сенбеген".
БАҚ мәліметінше, Пәкістан әскерилері Үндістанның Адампур әуе базасын жойған. Олар Удхампур әуе базасына да соққы жасаған.
Еске салайық, бұған дейін Үндістан мен Пәкістан соғыс алдында тұрғаны хабарланды. Пәкістанға жасалған алғашқы зымыран соққысынан кейін екі тарап та бейбіт тұрғындар арасынан құрбандар барын хабарлады. Дели жаңа шабуылдар жасалуы мүмкін екенін мәлімдеді, ал Исламабад оларға жауап беруге уәде етті.
Кейінірек Үндістан мен Пәкістан шекарада қарқынды соққы жасап жатқаны айтылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
