+7 (777) 001 44 99
Қазақша
Русский
English
Парижде белгісіз екі ер адам америкалық модель және тележүргізуші Ким Кардашьянға қонақүйде шабуыл жасады, - деп хабарлайды ВВС оның өкіліне сілтеме жасап.
Ер адамдар бетперде киген және қолдарында қару болған. Кардашьянның өкілінің айтуынша, шабуыл жасағандар полицейдің формасында болған. Тележүргізушінің өзіне ештеңе болмаған, алайда болған оқиғадан ол қатты есеңгіреп қалған, дейді өкілі. Полиция бұл оқиға туралы әлі мәлімдеме жасаған жоқ. Оқиғаның себептері мен мән-жайы айтылмаған.
Айта кетейік, Кардашьянның күйеуі, америкалық рэпер Канье Уэст жексенбіде, 2 қыркүйекте Нью-Йорк қаласында өтуі керек болған концертін отбасылық жағдайына байланысты тоқтатқан. Тележүргізуші анасымен және екі сіңілісімен бірге Парижге сән апталығына барған.
