Перуде әйел адам жерлеу рәсімінде көзін ашып, табытын ұрып, белгі берген

Сымбат Сатыбалдина

Видео кадры

Перуде әйел адам өзінің жерлеу рәсімінде көзін ашып, тірі екенін білдіру үшін табытын ұрған. Енді әйел адамның туыстары команы өліммен шатастырып алған медицина қызметкерлерін сотқа бермек, - деп хабарлайды Daily Mail.

Перуде әйел адам өзінің жерлеу рәсімінде көзін ашып, тірі екенін білдіру үшін табытын ұрған. Енді әйел адамның туыстары команы өліммен шатастырып алған медицина қызметкерлерін сотқа бермек, - деп хабарлайды Daily Mail.

Басылым мәліметінше, 36 жастағы әйел Роза Изабель Сеспеде Каллака күйеубаласымен және інілерімен жол апатына түскен. Салдарынан ер адам оқиға орнында қайтыс болған, ал Роза мен інілері ауруханаға жеткізілген. Артынша дәрігерлер әйел адам қайтыс болғанын айтқан.

Жерлеу рәсімі кезінде Розаның туыстары табыттан дауыс шығып жатқанын естіген.

"Табытты ашқанымызда Роза көзін ашып жатыр, терлеп кеткен", - дейді туыстарының бірі.

Олар бірден полиция мен дәрігерлерді шақырған. Дәрігерлер Роза тірі екенін растаған. Аппаратқа қосылғаннан кейін Розаның жағдайы жақсара бастаған. Бірақ артынша жағдайы қайтадан нашарлап, бірнеше сағаттан кейін қайтыс болған.

Розаның туыстары дәрігерлер дұрыс диагноз қоймағанына және уақытында көмек көрсетудің орнына мәйітханаға апарып тастағанына наразы. Туыстарының айтуынша, дәрігерлер бұл кома екенін нақты айтпай, Роза қайтыс болғанын айтқан.

Бүгінде полицейлер тергеуді бастаған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Перу оқыс оқиға Жерлеу дәрігер жол апаты