+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Ресей мен Түркия президенттері Владимир Путин мен Режеп Тайып Ердоғанның кездесуінің қорытындысы белгілі болды. Олар Тегеранда өткен "астана форматындағы" саммит аясында кездесті, - деп хабарлайды Tengrinews.kz тілшісі.
Ресей мен Түркия президенттері Владимир Путин мен Режеп Тайып Ердоғанның кездесуінің қорытындысы белгілі болды. Олар Тегеранда өткен "астана форматындағы" саммит аясында кездесті, - деп хабарлайды Tengrinews.kz тілшісі.
БАҚ-та жарияланған мәліметтерге сүйенсек, кездесуде Сириядағы лаңкестермен күрес және Украина астығын экспорттау басты тақырыптар болған.
TRT World арнасы мәліметінше, Ердоған келіссөздердің негізгі тақырыбы сириялық босқындардың Түркиядан өз еліне аман-есен оралуы екенін айтты.
"Терроризмге қарсы күресіміз жалғасады. Ресей мен Иран лаңкестікпен күресудегі күш-жігерімізді қолдайды деп күтеміз. Сирия халқы үшін ең үлкен пайда елді лаңкестерден тазарту болады", - деді Түркия президенті.
🇷🇺🇮🇷🇹🇷 Putin, Raisi dan Erdogan telah memulai KTT trilateral di Teheran pic.twitter.com/A1hBY6V5MI
— SOFT WAR NEWS | Akun Cadangan @SoftWar_News (@SoftWarNews) July 19, 2022
Осыдан кейін мемлекет басшылары бірлескен мәлімдеме жасап, онда олар "Сирияға тиесілі мұнай кірістерін заңсыз басып алуға және аударуға қарсылықтарын білдірді", сондай-ақ Сириядағы "заңсыз өзін-өзі басқару бастамаларын қоса алғанда, жаңа шындықтарды құру әрекеттерін жоққа шығарды".
Путин "астана форматындағы" саммиттер Сириядағы қақтығыс аяқталғанша жалғасуы керек екенін атап өтті.
"Сириялықтар өз болашағына қатысты шешім қабылдауы керек. Ресей, Түркия және Иран Сирия халқына көмектесу үшін бірлесіп жұмыс жасап жатыр", - деді ол.
Кездесуде Путин түрік басшысына Украинадан астық экспорты бойынша келіссөздерге дәнекер болғаны үшін алғыс айтып, біраз ілгерілеушілік бар екенін айтты. Сонымен қатар, Путин келіссөздердегі ілгерілеуге Ердоғанның арқасында қолжеткізілгенін атап өтті.
Türkiye’s President Erdogan meets with Russian counterpart Putin in Tehran ahead of a trilateral summit, says Russia's approach towards Ankara’s mediation on grain issue is 'positive' pic.twitter.com/ED0duEAM1B
— TRT World Now (@TRTWorldNow) July 19, 2022
Сілтемесіз жаңалық оқисыз ба? Онда Telegram желісінде парақшамызға тіркеліңіз!
