+7 (777) 001 44 99
Қазақша
Русский
English
Ресей президенті Владимир Путин балаларының саясатқа араласпайтын және Мәскеуде қарапайым өмір кешіп жатқанын айтты, - деп хабарлайды РИА Новости.
Халықпен тікелей эфир кезінде Ресей Федерациясының президенті Владимир Путин отбасы жайында айтып берді.
"Менің балаларым, қыздарым қауесеттерге қарамастан, осында, Ресейде, Мәскеуде тұрып жатыр. Немерелерім бар. Олар да қарапайым өмір сүріп жатыр. Қыздарым ғылыммен, білім берумен айналысады. Ешқайда араласпайды, ешқандай саясатқа, қалыпты, қатардағы адамдар секілді өмір сүруде. Немерелерімнің кейбірі балабақшаға да барып жүр", - деп жауап берді Путин ресейліктердің сұрағына.
Президент неліктен немерелері туралы мәліметтің ашық болуын қаламайтынын айтты.
"Олар бір ханзадалар сияқты емес, қарапайым болып өскенін қалаймын. Ол үшін олар қарапайым балалармен араласқаны жөн. Қазір аты мен жасын айтсам болғаны, оларда маза болмайды. Бұл баланың дамуына зиян келтіреді. Мені дұрыс түсініп, түсіністікпен қарауларыңызды сұраймын", - дейді Путин.
Дегенмен Путин отбасына қатысты бір мәліметті ашып айтты.
"Жақында екінші немерем дүниеге келді", - деп бөлісті қуанышты жаңалығын Владимир Путин.
