+7 (777) 001 44 99
Қазақша
Русский
English
Қырғызстанның ұлттық қауіпсіздік мемлекеттік комитеті түрмеден қашқан экстремистер туралы ақпарат бергендерге сыйақы тағайындады, - деп хабарлайды РИА Новости ведомствоның баспасөз қызметіне сілтеме жасап.
Төрт күн бойы іздестіріліп жатқан қашқындар туралы ақпарат жеткізген адамға шамамен 4,5 мың доллар беріледі. "Біз қашқын қылмыскерлер туралы хабарлағандарға 300 мың сом сыйақы тағайындадық", - делінген хабарламада. Қолда бар мәліметтер бойынша, қашқындар дәл қазір республика аумағында.
Еске сала кетейік, 12 қазанға қараған түні Қырғызстанда 9 адам колонияның үш қызметкерін өлтіріп, түрмеден қашып кеткен. Олардың бесеуі айналма жолда ұсталды. Түрмеден қашқан төртеудің екеуі өмір бойына бас бостандығынан айырылған болса, екеуі тергеуде екен. Іздеудегілер экстремизм мен терроризм үшін қылмыстық жауапкершілікке тартылғандар. Төменгі Нооруз ауылындағы №50 түзету мекемесінен қашқандар заңсыз деп танылған "Жайшул-Махди" партиясының өкілдері болған.
