+7 (777) 001 44 99
Қазақша
Русский
English
Қырғызстандық Яхье Машрапов Түркиядағы терактіге қатысы бар екені жайлы мәліметтің жоққа шығарылуын талап етіп отыр, - деп хабарлайды РБК басылымы.
Ыстамбұлда түнгі клубқа шабуыл жасады деген күдікпен ұсталған Яхья Машрапов түрік БАҚ-тарынан оның терактіге қатысы бар жайлы тараған мәліметтерді жоққа шығаруын талап ететінін мәлімдеді.
"Түркияның ақпарат құралдарын сотқа берейін деп жатқан жоқпын, бірақ мені жаман атқа қалдырған мәліметтерді жоққа шығаруларын талап етемін", - деді қырғызстандық Яхье Машрапов "Интерфакс" басылымына берген сұхбатында.
Айта кетейік, осыған дейін қырғызстандықтың кінәсін мойындамай отырғаны хабарланған болатын. Машрапов 31 желтоқсанда Қырғызстанда болғанын және сәйкесінше оның терактіге қатысы жоқ екенін айтты. Машраповтың айтуынша, ол паспортының суреті Интернетте қалай пайда болғанын да білмейді.
Еске салайық, 1 қаңтарда Ыстамбұлдағы Reina клубына шабуыл Жаңа жыл түні жасалған болатын. Санта Клаус болып киінген лаңкес автоматпен полицейді атады да, 700-дей адам болған мекемеге кіріп, ата бастайды. Соңғы мәліметтер бойынша, 39 адам қаза тапты және 69 адам зардап шекті.
