+7 (777) 001 44 99
Қазақша
Русский
English
Қырғызстанның экс-президенті Асқар Ақаевтың Германиядағы жерлестерімен кездесуі даумен аяқталды, - деп жазады Kaktus порталы.
Порталдың мәліметінше, KyrgyzClub-Germany кездесуі бейресми түрде өткен. Бірақ Асқар Ақаев сөз сөйлей бастағанда барлығы әдейі оның сөзін бөле бастаған. Сондықтан бірнеше минут өткен соң Ақаев ол жақтан кетуді жөн көріп, халықтың сұрақтарына жауап беруден бас тартады.
Алайда барлығымен қоштастасқан соң белгісіз бір ер адам Қырғызстанның экс-президентіне қарай жұмыртқа лақтырып жіберген.
Ақаевтың қызы Бермет Ақаева өз кезегінде осыны жасаған ер адамның жанына барып, неліктен осылай жасағанын сұрап, оның бұлай істеуге еш құқығы жоқ екенін айтқан. Артынша екеуінің арасында жанжал шығып, Бермет Ақаева сөмкесімен ер адамды бірнеше рет ұрып жіберген.
