+7 (777) 001 44 99
Қазақша
Русский
English
Экологиялық қылмыстар мен құқық бұзушылықтарды ескерту, анықтау және кінәлі тұлғаларды жауапкершілікке тарту мақсатында жүргізілген рейдтік шолу жұмыстары барысында 3 азамат құрықталды, - деп хабарлайды Тengrinews.kz тілшісі Қызылорда облысының ІІД баспасөз қызметіне сілтеме жасап.
2016 жылғы 21 желтоқсанда сағат 21.40 шамасында Қызылорда ОІІД Жергілікті полиция қызметі Табиғатты қорғау полиция қызметкерлері экологиялық қылмыстарға қарсы жедел жұмыстарды жүргізу барысында "Қызылорда-Павлодар" тас жолының 12-шақырымында 3 дана қоянның өлі денесін өз автокөліктерінде тасымалдап келе жатқан 3 азаматты ұстады. Автокөлікке қарау жүргізу барысында бір ұңғылы 16-калибрлі аңшы мылтығы, 28 дана оқ, заттай дәлелдеме ретінде алынды. 28 және 38 жас шамасындағы заңсыз аң аулаушылар оқиға орнынан ұсталып, оларға қатысты Қазақстан Республикасы Қылмыстық кодексінің 337-бабы 1-бөлігімен қылмыстық іс қозғалды. Қазіргі таңда сотқа дейінгі тергеп-тексеру амалдары жүргізіліп жатыр", - деді ведомстводағылар.
Егер де ұсталғандардың қылмыстық әрекеті дәлелденсе, белгiлi бiр лауазымдарды атқару немесе белгiлi бiр қызметпен айналысу құқығынан бір жылға дейiнгi мерзiмге айыра отырып, үш жүз айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не екі жүз қырық сағатқа дейінгі мерзімге қоғамдық жұмыстарға тартуға не жетпіс бес тәулікке дейінгі мерзімге қамаққа алуға жазаланады.
