Реcейде Telegram бұғатталуы мүмкін

Ресейдің Бақылау комитеті өкілдері соттан Telegram мессенджерін бұғаттауды сұрады, - деп хабарлайды РИА Новости.

"Сот үкімі қабылданған кезде бұл талап бірден қанағаттандырылады", - деді Ресейдің Бақылау комитетінің өкілі.

Айта кетейік, Ресейдің Бақылау комитеті Telegram мессенджерінің Федералды қауіпсіздік қызметінің өкілдері шифрлау кодтарын беруден бас тартқаны үшін мессенджерді бұғаттауды талап етіп сотқа арызданды. Енді компания өкілдері өздерін қорғап шығуы тиіс.

Сот отырысы ертең, 13 сәуірде басталады. Бүгін сот отырысы алдында дайындық өтті. Бірақ бүгін отырысқа Telegram компаниясының заңгерлері қатыспаған.

Еске сала кетейік, осыған дейін Қазақстанда да Telegram мессенджері бұғатталуы мүмкін екені хабарланған еді. Бірақ Ақпарат және коммуникациялар министрлігінің өкілдері Telegram мессенджерінің бұғатталуына мүдделі еместігін мәлімдеді.