Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 326.88
EUR / KZT - 364.90
CNY / KZT - 47.85
RUB / KZT - 5.47

Ресей Украина еуразиялық идеяға оралады деп сенеді

13 Ақпан 2014, 17:13
0
Ресей Президентінің кеңесшісі Сергей Глазьев. ©РИА Новости
Ресей Президентінің кеңесшісі Сергей Глазьев. ©РИА Новости
Ресей Украинаның Еуразиялық интеграция процесіне оралатынына сенеді деп хабарлайды Tengrinews.kz "РИА Новости" таратқан ақпаратпен бөлісіп.

РФ Президентінің аймақтық экономикалық интеграция мәселелері жөніндегі кеңесшісі Сергей Глазьев Еуропа одағы мен АҚШ-тың Еуразиялық интеграция процесінен ажырату үшін Украина билігіне қысым көрсетуге күш салып отырғанын айтты. Глазьев бұл әрекетті "саяси психоз" деп атады.

"Украина біздің Кедендік одаққа өмір бойы мұқтаж. Ол әрқашан біздің экономикалық кеңістіктің көп мәселе бойынша шешуші бөлігі болған. Украинаның еуразиялық интеграциялық процесс шеңберінен басқа келешегі жоқ. Ақылға салып қарасақ және біздің ортақ мүддемізді ескерер болсақ, біз Украинаның интеграция процесіне оралатынына иек артамыз", - дейді Глазьев.

Украинаның Еуразиялық экономикалық қоғамдастықта бақылаушы ел екені және өзінің Еуразия интеграциялық процесіне бағыт алғанын жариялағаны белгілі. Өткен жылдың қараша айында ел үкіметі Еуропа одағына қосылуға дайындықты тоқтатты. Бұл Украинада жаппай наразылықтың өршуіне себеп болды. Украина Кедендік одақта да бақылаушы мәртебесінде болғанымен, ресми Киев бұл ұйымға мүше болуға дайын емес екенін мәлімдеді.

Қазақстандық саясаттанушылар Украинаның Еуропа одағымен кірігуі Қазақстанның пайдасына шешілетінін айтқан болатын. Айталық, саясаттанушы Марат Шибұтов "Украина ресейлік нарықтағы маңызды игерілмеген тетіктерді бізге қалдыруы мүмкін. Олар - кондитер, астық пен металлургия өнімдері", - дейді.



Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай