Ресейдегі митинг: рэпер Oxxxymiron ұсталды

Санкт-Петербургте Oxxxymiron лақапатымен танылған рэп-орындаушы Мирон Федоров ұсталды, - деп хабарлайды Tengrinews.kz тілшісі РИА Новостиге сілтеме жасап.

Бұл ақпаратты агенттікке әртістің менеджері растаған. Oxxxymiron бүгін туған күнінде митингіге келген.  

"Рэпер Оксимиронды келісілмеген митингіде ұсталғаннан кейін Санкт-Петербург полициясына алып кетті", - делінген хабарламада. 

Еске салайық, бүгін Ресейдің бірқатар қаласында Алексей Навальныйды қолдау үшін митингілер мен рұқсат етілмеген наразылық акциялары өтіп жатыр.

"ОВД-инфо" мәліметінше, Мәскеу уақытымен 12:00-ге дейін бүкіл Ресей бойынша 31 қаңтардағы митингілерде 519 адам ұсталған. 

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!