1. Басты
  2. Біл
  3. Жаһан

Ресейлік экс-шенеунік жеткіншекті қағып кетіп, оның ата-анасынан ақша талап еткен

narodna-pravda.ua narodna-pravda.ua

Ресейде Мурманск қаласы Білім министрлігінің аймақтық қызметкері Лилия Хоруженко 13 жасар жеткіншекті қағып кеткен, - деп хабарлайды Lenta.ru.

Кейін ол баланың ата-анасынан көлікті жөндетуге 100 мың рубль талап еткен. Жол-көлік оқиғасы бір жыл бұрын болған. Жол апатына жеткіншек кінәлі болып шыққан. Ол негізгі жолға түсіп, шенеуніктің көлігіне соқтығысқан. Нәтижесінде жасөспірімнің жақ сүйегі сынып, миы шайқалған.

Бір жылдан кейін Хоруженко келтірілген залалдың орнын толтыру үшін моральдық шығын талап еткен. Ол ашық сот отырысында көлігі зақымдалғанын айтқан. Жасөспірімнің ата-анасы бала әлі күнге дейін ем алып жүргенін және ешкімге ештеңе бермейтінін айтқан.