"Салмағы 10 тоннадан асады". Қытайда метеорит құлады

Видеодан алынған кадр

Қытайда метеориттің құлаған сәті видеоға түсіп қалды, - деп хабарлайды РИА Новости.

Қытайдың сейсмологиялық орталығы 23 желтоқсанда таңертең Цинхай провинциясында метеориттің құлағанын тіркеген.

Кенхи университетінің профессоры Евгений Зубко Цинхай провинциясына құлаған метеорит радиусы бір метрге дейін және салмағы шамамен 10 тонна болуы мүмкін екенін айтады.

"Метеориттің құлауы сирек болатын құбылыс емес. Астероид фрагменттерінің, кометалардың ядроларының және үлкен планета спутнигі де (мысалы, Ай) құлауы мүмкін. Бұл үлкен объект болуы ықтимал. Атмосфераға кірген кезде метеорит 3-4 мың градусқа дейін қызады, жарқыл пайда болады. Оны көзбен көруге болады.

Бұл нысанның радиусы шамамен 1 метр, демек оның салмағы 10 тоннадан асады. Бұл - өте ірі нысан. Мұндай мөлшердегі метеориттің құлауы сирек кездеседі", - дейді Зубко.

Ғалымның айтуынша, метеориттің құлаған сәтін көптеген адам видеоға түсіріп алған. Ол метеориттер көбіне мұхитқа немесе адам қоныстанбаған аумаққа құлайтынын атап өтті.

"Болид айтарлықтай ұзақ жарқырады: шамамен 30 секунд. Ол тік емес, көлбеу бұрыш жасап көкжиек бойымен түсті. Метеорит тік құласа, ол үш секунд ішінде бүкіл атмосфераны айналып өтер еді. Оның қайда құлағанын анықтауға болады", - дейді профессор.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!

Қытай метеорит Ғарыш