03 желтоқсан 2021 | 14:26

Сальвадор қорғаныс министрінің ұлы ұшақ апатынан қаза болды

Дина Шарипханова Корреспондент

Видео кадры

Сальвадордағы Эль Сапоте жағажайында елдің әскери-әуе күштерінің (Әуе күштері) ұшағы апатқа ұшырады, - деп хабарлайды Tengrinews.kz тілшісі El Salvador сайтына сілтеме жасап.

Сальвадордағы Эль Сапоте жағажайында елдің әскери-әуе күштерінің (Әуе күштері) ұшағы апатқа ұшырады, - деп хабарлайды Tengrinews.kz тілшісі El Salvador сайтына сілтеме жасап.

Портал мәліметінше, бір күн бұрын теңізде жоғалып кеткен яхтаны іздеуге шыққан ұшақ бортында үш экипаж мүшесі, оның ішінде Сальвадор қорғаныс министрі Мерино Монройдың ұлы Херардо Мартино болған.

Іздестіру жұмыстары бірнеше сағатқа созылған. Кейін үкімет үш сарбаздың мәйіті ұшақ қирандысынан табылғанын растады. Әскери дереккөздердің айтуынша, олардың бәрі Комалапа әуежайында орналасқан екінші әуе бригадасында қызмет еткен. Қарулы күштер оқиғаның ешқандай нұсқасын айтқан жоқ.

Құрбан болғандар фрегат (Әскери-теңіз күштері) лейтенанты Херардо Антонио Мерино Маррокин, ұшақты басқарған ұшқыш-капитан Карлос Родриго Эскобар Грималди және фрегат лейтенанты Сантос Элиас Серрано Минерос.

Президент Найиб Букеле Twitter-де Мерино Монройдың отбасына көңіл айтты.