+7 (777) 001 44 99
Қазақша
Русский
English
Сауд Арабиясында әйелдерге сағат 09.00-ден бұрын және 23.00-ден кейін жұмыс істеуге тыйым салынды, - деп хабарлайды РИА Новости араб бұқаралық ақпарат құралдарына сілтеме жасап.
Билік өкілдерінің пікірінше, бұл тыйым әйелдерді қауіптен және көшеге шығуға мәжбүрліктен сақтандырады. Ал елдің еңбек министрлігі жұмыс берушілерді әйелдерді еңбекпен қамтуда белсенді болуға шақырып отыр. Әсіресе, әйелдерге арналған дүкендерге, әсемдік салондарына, әйелдердің спорт клубтарына тек қана нәзік жандар алынуы керек деген талап қойылды.
Басылымдар бұған дейін елде әлеуметтік сауалнама жүргізілгенін хабарлайды. Респонденттердің көбі әйелдерді дипломатиялық ведомстволар мен жеке компанияларда жетекші лауазымдарға тағайындауды қолдайтынын білдірді. Сауд Арабиясы тұрғындары әйел министрлерді көргісі келетінін де айтқан.
Әзірше бұл елде әйелдер қол жеткізген ең жоғарғы лауазым білім министрлігінің орынбасарлығы болып тұр. Сонымен бірге, Заң жөніндегі консультативтік кеңесте 30 әйел депутаттық мандат алған.
