+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Шанхай қатаң карантин енгізілгеннен бері алғаш рет кейбір COVID шектеулерінің жеңілдетілгенін жариялады, - деп хабарлайды Tengrinews.kz тілшісі Reuters агенттігіне сілтеме жасап.
Шанхай қатаң карантин енгізілгеннен бері алғаш рет кейбір COVID шектеулерінің жеңілдетілгенін жариялады, - деп хабарлайды Tengrinews.kz тілшісі Reuters агенттігіне сілтеме жасап.
Қытайдың халқы ең көп қаласының билігі қаланың аудандарын қауіп-қатер деңгейіне қарай үш аймаққа бөлу туралы шешім қабылдады - жабық, бақыланатын немесе сақтық шаралары қажет аймақтар. Бөлу Шанхай қаласының тұрғындары үшін тестілеу нәтижелері бойынша жүзеге асырылады.
©REUTERS
Соңғы жеті күнде коронавирус жұқтырған аймақтар жабық аумақтар болып саналады, онда тұрғындар үшін толық карантин кемінде тағы жеті күн жалғасатын болады. Бақыланатын мәртебе соңғы жеті күнде коронавирус инфекциясы тіркелмеген аумақтарға беріледі, мұндай жерлерде тұрғындар тұрғын үй кешенінің аумағынан тыс емес, өз пәтерлерін қалдыра алады. Оларға арналған карантин тағы жеті күнге ұзартылады.
©REUTERS
Сақтық шаралары қабылданатын аудандарға соңғы 14 күнде инфекцияның бірде-бір жағдайы анықталмаған жерлер жатады, тұрғындарға белгіленген аймақ шегінде жүруге рұқсат етіледі, бірақ адамдар көп жиналмас үшін қоғамдық орындарға бару шектеледі.
©REUTERS
Тәуекел деңгейі жоғары және орташа санаттағы тұрғын үйлердің атаулары бар өз тізімін жариялаған алғашқы аудандардың бірі Шанхайдың оңтүстік-батыс шетіндегі Цзиньшань өнеркәсіптік ауданы болды.
©REUTERS
Қазіргі уақытта 7624 аумаққа жабық мәртебе беріліп, 2460-ы бақылаудағы санатқа ауыстырылды, ал 7565-і сақтық шаралары жүргізілетін аумақтарға айналды. Бұл ретте аудандар тұрғын үй кешендерін немесе тұрғын үй шағын аудандарын білдіреді. Бірақ тексерілген тұрғындардың деректерін талдау аяқталмағанымен, карантинге жатқызылған аймақтардың бір бөлігі әлі күнге дейін сол немесе басқа мәртебе алған жоқ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
