+7 (777) 001 44 99
Қазақша
Русский
English
Қазақша
Русский
English
2016 жылдың 28 қыркүйегіне қараған түні инсульттен қаза тапқан экс-президент өлімінен кейін донор болды, - деп хабарлайды РИА Новости. Қайтыс болған Шимон Перестің дәрігері көзінің мүйізгек қабығы трансплантация жасауға мұқтаж науқастарға берілгенін хабарлады. Перестің өзі осындай тілек қалдырған екен.
Нобель сыйлығының лауреаты Шимон Перес 93 жасында қайтыс болды. "Шимон Перес бізді қинамай, ешқандай азап көрсетпей қалдырып кетті. Біздегі "Шиба" емханасының дәрігерлері оны құтқаруға барын салып, қолдан келгенін жасады", - деді оның дәрігері әрі күйеу баласы Рафи Вальдман.
"Израильде үкімет отырысы өтеді деп жоспарланып отыр. Отырыстан кейін арнайы комиссия өкілдері бұрынғы президентті жерлеу рәсіміне кіріседі", - деп хабарлады премьер-министр кеңсесіндегі Биньямина Нетаньяху. Жергілікті ақпарат құралдарының жерлеу рәсімі жұмада таңғы уақытта болады деп болжап отыр.
Еске салайық, осыған дейін Израильдің бұрынғы президенті Шимон Перестің қайтыс болғаны хабарланған болатын. Шимон Перес Израильдегі маңызды мемлекеттік қызметтерді атқарған еді. Ол бірнеше рет Израильдің Қорғаныс министрлігін басқарды, Қаржы министрлігін, СІМ, ІІМ және басқа да ведомстволарды басқарды. Перес 2007-2014 жылдары Израильдің президенті болды.
