Швецияда мектепке қылышпен шабуылдаған ер адам ұлтшылдық идеясын ұстанған

23 Қазан 2015, 09:48
0

Швецияда мектепке шабуыл жасаған 21 жастағы жігіт ұлтшылдық идеяларымен әуестенген, - деп хабарлайды "Вести.Ru". Оның экстремистер құқығына тілектестік білдіріп, Адольф Гитлер мен Германия ұлтшылдығын дәріптеген әлеуметтік желілердегі парақшаларға жиі кіріп отырғаны анықталды, сонымен қатар, ол елге босқындардың келуін тоқтату жөніндегі қозғалысқа қолдау көрсеткен.

Таныстары оның тұйық мінезді, бірақ тартымды жігіт екенін айтып отыр. Оның отбасы болған жағдайды естіп таңғалды. Полиция жігіт шабуыл жасаған мектеп оқушыларының 90 пайызы босқындардың балаларынан тұруы мүмкін деген нұсқаны зерттеп жатыр. Полиция жігіттің үйін тінтіп шықты.

Еске сала кетейік, 22 қазанда бетіне бетперде киген жігіт қолына қылышқа ұқсас затпен қаруланып, мектептің дәмханасына кірді, сөйтіп төрт адамды жаралады олар - екі ересек адам мен 12 және 15 жастағы ұлдар. Ересектердің бірі оқиға орнында көз жұмды. Кейін бір оқушы ауруханада қайтыс болды. Ал шабуыл жасаған жігіт оқ тиіп, қаза тапты.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай