+7 (777) 001 44 99
Қазақша
Русский
English
Сирияда ораза ұстамаған екі жеткіншекті ИМ өкілдері өлім жазасына кесті, - деп хабарлайды Lenta.ru The Independent басылымына сілтеме жасап.
Оқиға елдің шығысындағы Маядин қаласында болды. "Балаларды ас ішіп отырған жерінен ұстап алған болуы мүмкін", - деді адам құқықтары жөніндегі ұйым басшысы Рами Әбдел Рахман. Басылымның хабарлауынша, содырлар не үшін өлтірілгенін жазып, балалардың мойнына тақтайша іліп қойған.
Еске сала кетейік, "Ислам мемлекеті" Ирак пен Сирия территориясының көп бөлігін жаулап алды. Орталық барлау басқармасының мәліметінше, 30 мыңға жеткен содырлар тобы жаулап алынған жерлерде халифат жариялап, аумағын кеңейтуге тырысып жатыр. "Ислам мемлекеті" тобы Сирияда үкіметтік жасақтарға қарсы соғысса, Иракта жергілікті әскерилер мен күрд халық жасақтары арасындағы соғысқа араласады. Содырларға қарсы Сирия, Ирак және АҚШ басшылығындағы халықаралық коалиция күресіп жатыр.
