+7 (777) 001 44 99
Қазақша
Русский
English
Қазақша
Русский
English
БҰҰ Солтүстік Кореяда физикалық жағынан әлсіз адамдардың өліміне әкелетін аштық мәселесі бар екенін мәлімдеді, - деп хабарлайды Tengrinews.kz тілшісі БҰҰ-ның Сеулдегі адам құқықтары жөніндегі кеңсесінің сайтына сілтеме жасап.
БҰҰ-ның адам құқықтары жөніндегі арнайы өкілі Томас Оеа Кинтана өз баяндамасында "әлсіз балалар мен қарттар" аштық қаупіне көбірек ұшырайтынын айтты. Солтүстік Корея пандемияға байланысты бүкіл әлемнен одан сайын оқшаулана түсті.
Report of the UN Special Rapporteur on the situation of human rights in the #DPRK to the #UNGA76 is now public. The Rapporteur discusses human rights impact of #COVID-19, freedom of religion, political prisons and child rights in the DPRK. https://t.co/wZHC17gA34 @tojeaquintana pic.twitter.com/rxvs9B6ISW
— UN Human Rights in Seoul (@UNrightsSeoul) October 13, 2021
"Үкіметтің пандемияға қарсы шектеулері мен қырағылығы адам өміріне қауіп төндіретін осы мәселенің алдын алуға көмектесті. Бірақ ұзақ уақыт оқшаулау мен шекараның жабылуы азық-түлік пен басқа да денсаулық проблемаларына, тұрғындардың экономикалық жағынан қиындық көруіне себеп болды", - делінген арнайы өкілдің есебінде.
Ол БҰҰ Қауіпсіздік Кеңесін осы елге гуманитарлық көмек жеткізуді жеңілдету үшін КХДР-ға қарсы санкцияларды қайта қарауға және оларды әлсіретуге шақырды.
©REUTERS
Шектеулер Солтүстік Корея мен Қытай арасындағы сауда-саттықты іс жүзінде жойды. БҰҰ мәліметтері бойынша, биыл тамызда шекаралық тауар айналымы тек 28,8 миллион доллар болған, бұл екі жыл бұрынғы көрсеткіштің сегізден бір бөлігінен аз. БҰҰ-ның азық-түлік бағдарламасы үш ай бұрын 860 мың тонна көлемінде азық-түлік тапшылығын жариялаған.
Еске салайық, Солтүстік Корея ядролық және зымырандық бағдарламаларды дамытуға байланысты БҰҰ мен АҚШ санкцияларына жатады. БҰҰ Қытаймен шекарада коммерциялық қызмет жасайтын солтүстіккореялықтар кірістерін жоғалтқанын атап өтті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
