Жақында Ресейде коронавирусқа қарсы балаларға арналған вакцина тіркеледі деп күтіледі, - деп хабарлайды Tengrinews.kz тілшісі РИА Новостиге сілтеме жасап.
Гамалея орталығының басшысы Александр Гинцбург қазір мамандар дәріге фармакологиялық сараптама жүргізіп жатқанын айтты.
"Қазір сарапшылар жұмыс істеп жатыр: фармакологиялық сараптама жүргізілу үстінде. Жақында тіркеу туралы оң шешім шығады деп үміттенемін", - деп бөлісті маман.
Бұған дейін Ресей Денсаулық сақтау министрлігі Гамалея орталығынан жасөспірімдерге арналған "Гам-COVID-Vac-M" вакцинасын тіркеу үшін құжаттар пакетін алған болатын. Вакцинация мақұлданған жағдайда ол тек ата-аналардың немесе заңды өкілдердің келісімімен салынады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
