+7 (777) 001 44 99
Қазақша
Русский
English
Ұлыбританиялық әзілкеш Иэн Когнито (шын есімі Paul Barbieri) Бистер қаласындағы кафелердің бірінде сахнада өнер көрсетіп тұрған жерінде қайтыс болды. Соңғы кездері 60 жастағы әртістің денсаулығы сыр беріп жүрген, алайда ол сахнаға шығып, өзінің денсаулығы жайлы әзілдейтін болған, - деп хабарлайды The Daily Mail.
"Ойлап көріңіздерші, сіздердің алдарыңызда тұрып өліп кетсем", - деді ол. Осының айтқаннан кейін тағы он минут бойы басқа да әзілдер айтқан.
Бір кезде ол терең тыныстап, орындыққа отырып үнсіз қалған. Көрермендер одан әзіл күтіп, бұл оның сценарийі бойынша болып жатқан құбылыс екен деп ойлаған. Тек бес минуттан соң Эндрю Берд есімді комик сахнаға шығып, жолдасының халін білмекші болған.
"Барлығы да, мен де оны әзілдеп отыр екен дедік. Мен сахнаға көтеріліп, оның қолынан ұстағанымда ол дауыстап "Бу!" деп айғай салатынын күттім", - дейді Берд.
Көрермендер арасында болған екі медбике мен полицей Когнитоға алғашқы көмек көрсеткен. Жедел жәрдем шақырған. Алайда оны аман алып қалу мүмкін болмады: жедел жәрдем дәрігері оның қайтыс болғанын айтқан.
