20 қыркүйек 2016 | 12:18

Сырқаттанған Атамбаев Ыстамбұлда дәрігерлердің бақылауында жатыр

Қырғызстан президенті Алмазбек Атамбаев © РИА Новости

Қырғызстан президенті Алмазбек Атамбаев Түркиядағы емдеу мекемесінде медициналық тексерістен өтіп, Ыстамбұлдағы дәрігерлердің бақылауында жатыр. Бұл ақпаратты Tengrinews.kz тілшісіне Қырғызстан Республикасы Әкімшілігінің ақпараттық саясат бөліміндегілер растады.

Қырғызстан президенті Алмазбек Атамбаев Түркиядағы емдеу мекемесінде медициналық тексерістен өтіп, Ыстамбұлдағы дәрігерлердің бақылауында жатыр. Бұл ақпаратты Tengrinews.kz тілшісіне Қырғызстан Республикасы Әкімшілігінің ақпараттық саясат бөліміндегілер растады.

Жалғасы

■

Атамбаев Түркиядағы емханалардың біріне жатқызылды

20 қыркүйек 2016, 15:32

■

Атамбаев Измир түбіндегі қонақүйде жатыр - түркиялық БАҚ

21 қыркүйек 2016, 12:24

■

Атамбаев Мәскеудегі емханаға ауыстырылды

23 қыркүйек 2016, 11:08

Бүгіннен бастап 2016 жылдың 1 қазанына дейін Қырғызстан президенті Алмазбек Атамбаев кешенді медициналық тексерістерден өту үшін қысқа мерзімді еңбек демалысын алды. Ақпараттық саясат бөліміндегілердің айтуынша, қазіргі уақытта Алмазбек Атамбаевтың сырқатын анықтау үшін қай емдеу мекемесінде кешенді тексерістерден өтетіні шешіліп жатыр. Сондай-ақ, оның Түркиядағы емдеу мекемелерінің бірінде емделуі мүмкін екені айтылады.

Еске салайық, Нью-Йоркке барар жолда Қырғызстан президентінің денсаулығы сыр берген болатын. "Бішкектен Нью-Йоркке барар жолда Қырғызстан Республикасының делегациясы Ататүрік әуежайында басқа ұшаққа отыруы қажет болатын. Алайда Қырғызстан президенті Алмазбек Атамбаев сырқаттанып, медициналық тексерістен өткізілді. Дәрігерлердің тексерісінен кейін мемлекет басшысына жедел түрде медициналық көмек көрсетілді. Дәрігерлердің алдын ала қорытындысына қарағанда, Алмазбек Атамбаевтың жүрегі сыр берді. Осыған байланысты Қырғызстан президенті медициналық тексерістен өтіп, біраз уақыт дәрігердің бақылауында болады", - делінген хабарламада.

Қырғызстан Түркия Медицина Денсаулық

TENGRI travel