+7 (777) 001 44 99
Қазақша
Русский
English
Ауғанстанда билікке келген "Талибан" қозғалысының үкіметі (Қазақстанда тыйым салынған) БҰҰ Бас Ассамблеясынан орын беруді сұрады, - деп хабарлайды Tengrinews.kz тілшісі.
Бұл туралы "Талибан" өкілінің орынбасары Инамулла Самангани Twitter-де хабарлады.
سپردن کرسی افغانستان در سازمان ملل به کسی که از دولت و مردم افغانستان نمایندگی نمیکند غیر عادلانه است.
— Inamullah Samangani (@HabibiSamangani) December 7, 2021
این کرسی حق دولت و مردم افغانستان است و حق باید به حقدار سپرده شود. ملل متحد باید از معقولیت کار بگیرد و درین مورد به جدیت از سر نو غور بکند.
Оның айтуынша, қазір Ауғанстан үкіметі мен халқының атынан жалғыз тәліптер өкілдік етеді және БҰҰ-дағы орын заң бойынша тәліптерге тиесілі. Ол БҰҰ-ны шешім қабылдарда дұрыстап ойлануға шақырды.
"БҰҰ-дағы орынды Ауғанстан үкіметі мен халқының атынан шешім қабылдай алмайтын өкілге беру әділетсіздік. Бұл орын Ауғанстан үкіметі мен халқының құқығы және бұл құқық сақталуы керек. Біріккен Ұлттар Ұйымы осы шешімді қайтадан байыппен қарауы қажет", - деді Самангани.
Тәліптердің мәлімдемесі БҰҰ Бас Ассамблеясы бір күн бұрын Ауғанстан мен Мьянманың әскери хунта билік ететін ұйымда кімнің өкіл болатыны туралы шешімді кейінге қалдырғанын естігеннен кейін жасалды. Осылайша, бұл елдердің қазіргі елшілері билік ауысса да өз орындарында қалады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
