+7 (777) 001 44 99
Қазақша
Русский
English
Қазақша
Русский
English
"Талибан" қозғалысы (Жоғарғы сот қаулысына сәйкес Қазақстанда тыйым салынған) жаппай наразылық ел астанасы Кабулға да жеткеннен кейін Ауғанстан халқын бірлікке шақырды, - деп хабарлайды Tengrinews.kz тілшісі Reuters агенттігіне сілтеме жасап.
Агенттік мәліметінше, "Талибан" қозғалысы ел билігін басып алғаннан бері жұма намазы алғаш рет оқылады. Тәліптер ауған имамдарынан ел тұрғындарын тәртіпсіздіктерді тоқтатуға шақыруын сұрады. Қазіргі уақытта билікке келген "Талибан" қозғалысына қарсы наразылықтар көбейіп келеді, оның ішінде елорда Кабулға да жеткен.
©REUTERS Reuters мәліметінше, наразылық білдірушілер қолдарына Ауғанстан жалауын ұстаған, оларды көбінесе "Талибан" қарсыластары пайдаланады. Бұқаралық ақпарат құралдары мәліметінше, басқа қалаларда наразылыққа шыққандар "Талибан" қозғалысының ақ түсті туын жұлып алған жағдайлар болған.
Нангархар мен Кунар провинцияларында наразылық білдірушілер көшеге шықты. Хост провинциясында "Талибан" қозғалысы наразылықты басқаннан кейін, тәулік бойына коменданттық сағат енгізген. Алайда тәліптер наразылықтар мен коменданттық сағат туралы ақпаратты растаған жоқ.
©REUTERS Агенттік дереккөздерге сілтеме жасай отырып, Асадабад қаласындағы наразылық кезінде "Талибан" қозғалысының жауынгерлері оқ жаудырып, бірнеше адамды атып тастағанын мәлім етті. Куәгерлердің айтуынша, Кабулдағы шеру кезінде де тәліптер аспанға бірнеше рет оқ атқан.
Protest against Taliban in Kabul led by women.
— Masih Alinejad 🏳️ (@AlinejadMasih) August 19, 2021
Yesterday Taliban opened fire at protesters and killed at least three people but today people took to the streets again to protest against Taliban. #Afghanistan pic.twitter.com/qROeJKn4sL
Бұған дейін Ауғанстанның Джалалабад қаласында тәліптер Ауғанстанның мемлекеттік туын қолдап, наразылыққа шыққандарға оқ жаудырғаны хабарланған болатын. Нәтижесінде екі адам қаза тауып, тағы сегіз адам жараланған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
