+7 (777) 001 44 99
Қазақша
Русский
English
Қазақша
Русский
English
Тәліптер жұмыс істейтін әйелдерге (Жоғарғы сот шешіміне сәйкес, қозғалысқа Қазақстанда тыйым салынған) елде толық қауіпсіздік орнамайынша үйде отыруға, жұмысқа бармауға бұйрық берді, - деп хабарлайды Tengrinews.kz тілшісі Business Insider-ге сілтеме жасап.
"Талибан" қозғалысының өкілі Забихулла Муджахид Кабулдағы баспасөз мәслихатында әйелдердің жұмысқа шығуына шектеу ұзаққа созылмайтынын айтты.
"Біз әйелдерден елде толық қауіпсіздік орнамайынша үйде отыруды сұраймыз. Бұл уақытша", - деді ол.
Тәліптер бұл уақытша екенін айтып сендіргенімен, халық 1996-2001 жылдары елді тәліптер билеген кездегі, әйелдерге қойылған қатаң шектеулер қайта күшіне енуі мүмкін деп қорқады.
"Талибан" билікте болған кезде, әйелдерге толық жабық киім киюді талап ететін қатаң ислам заңдарын енгізген. Оларға мектепке баруға, жұмыс істеуге тіпті үйден ер адамсыз шығуға тыйым салған болатын.
Тәліптер Кабулды басып алғаннан кейін, өз содырларына үйлендіру үшін 15 жас пен 45 жас аралығындағы басы бос әйелдердің тізімін талап еткені айтылған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
