+7 (777) 001 44 99
Қазақша
Русский
English
АҚШ-тың бұрынғы президенті Дональд Трамп Ресей мен Қытай америкалықтар Ауғанстанда тастап кеткен тікұшақтарды зерттеп жатқанын айтты. Бұл туралы ол Айова штатындағы жақтастарының митингінде мәлім етті, - деп хабарлайды РИА Новости.
"Ресей мен Қытайда біздің тікұшақтарымыздың үлгілері бар. Олар қазір "Апачиді" бөлшектеп, зерттеп жатыр, жақын арада олар үздік техниканы жинайды", - деді Трамп.
Экс-президенттің айтуынша, Ауғанстаннан кетерде америкалық әскерилер "бірнеше ескі тікұшақты сындырған, бірақ жаңаларын емес".
"Енді олар жауларымыздың қолында", - деді ол.
Еске салайық, АҚШ әскері 31 тамызға қараған түні Ауғанстаннан толығымен кеткен болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
