15 желтоқсан 2020 | 11:46

Трамп АҚШ бас прокурорының отставкаға кететінін мәлімдеді

АҚШ президенті Дональд Трамп бас прокурор Уильям Баррдың отставкаға кететінін мәлімдеді. Бұл туралы Мемлекет басшысы Twitter желісіндегі парақшасында жазды, - деп хабарлайды Tengrinews.kz тілшісі.

АҚШ президенті Дональд Трамп бас прокурор Уильям Баррдың отставкаға кететінін мәлімдеді. Бұл туралы Мемлекет басшысы Twitter желісіндегі парақшасында жазды, - деп хабарлайды Tengrinews.kz тілшісі.

Трамп министрмен өте жақсы қарым-қатынаста болғанын және ол жемісті еңбек еткенін атап өтті.

"Ақ үйде бас прокурор Билл Баррмен жақсы кездесу өтті. Біз өте жақсы қарым-қатынаста болдық, ол өнімді еңбек етті. Отставкаға кету туралы хатқа сәйкес Билл Рождествоның алдында жұмыстан кетіп жатыр. Ол бұл мерекені отбасымен бірге атап өткісі келеді", - деді Трамп хабарламаға өтініш көшірмесін тіркеп.

Барр 23 желтоқсанда қызметінен кететінін жазды.

Уильям Барр 2019 жылдың ақпанынан бастап АҚШ Бас прокуроры қызметін атқарды, әрі АҚШ-тың әділет министрі болды.

Сонымен қатар, ол 1991-1993 жылдары президент Джордж Буштың қарамағында жұмыс істеген. Бас прокурордың уақытша міндетін қазіргі бірінші орынбасары Барр Джефф Розен атқарады.

Баррдың отставкаға кеткені туралы ақпарат АҚШ сайлау коллегиясының мүшелері Джо Байденді жаңа мемлекет басшысы етіп сайлағаннан соң
жарияланды. Осыған дейін Барр сайлауда заңбұзушылықтар болмағанын мәлімдеген еді.

Just had a very nice meeting with Attorney General Bill Barr at the White House. Our relationship has been a very good one, he has done an outstanding job! As per letter, Bill will be leaving just before Christmas to spend the holidays with his family...
— Donald J. Trump (@realDonaldTrump) December 14, 2020