+7 (777) 001 44 99
Қазақша
Русский
English
Қазақша
Русский
English
АҚШ-тың кейінгі сайланған президенті Дональд Трамп пен Ресей президенті Владимир Путин телефон арқылы сөйлесіп, Украинадағы қақтығысты талқылады, - деп хабарлайды Tengrinews.kz тілшісі Sky News мәліметіне сілтеме жасап.
The Washington Post басылымының дереккөздеріне сәйкес, Трамптың өзі Путинге Флоридадағы Мар-а-Лаго курортынан қоңырау шалған. Әңгімелесу барысында америкалық саясаткер "Ресей президентіне Украинадағы соғысты одан әрі ушықтырмауға кеңес берді".
Сонымен қатар, басылым Трамп "Ресей көшбасшысына Вашингтонның Еуропадағы маңызды әскери қатысуын еске түсіргенін" атап өтті.
АҚШ Президенті мен Владимир Путин арасындағы әңгіме ресми емес, өйткені Дональд Трамптың өтпелі тобы АҚШ Мемлекеттік департаментінің қолдауымен осындай қоңыраулар жасауға мүмкіндік беретін құжаттарға әлі қол қойған жоқ, деп хабарлады басылым.
Бұл ретте Украинаның Сыртқы істер министрлігі Трамп пен Путиннің қоңырауы туралы алдын ала хабарланбағанын айтты, деп атап өтті Deutsche Welle.
"Біз президент Трамп пен басқа әлем көшбасшылары арасындағы жеке қоңырауларға қатысты түсініктеме бермейміз", - деді Трамптың коммуникациялар жөніндегі директоры Стивен Чунг.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
