Трамптың "бауыздалған" суреті арнайы қызметтердің басын қатырды

31 Мамыр 2017, 09:31
0
Трамптың "бауыздалған" суреті арнайы қызметтердің басын қатырды - © tmz.com
© tmz.com

TMZ басылымы тележүргізушінің қолында Дональд Трамптың "қанға боялған" басы түсірілген суреттер мен видеоларды жариялаған соң АҚШ президентінің және басқа да жоғары қызметтегі шенеуніктердің қауіпсіздігі үшін жауап беретін елдің құпия қызметі тексеріс бастады.

CNN телеарнасының жүргізушісі әрі комедия жанрындағы фильмдердің актрисасы Кэти Гриффин фотограф Тайлер Шилдспен фотосет өткізген. Сол кезде белгілі тележүргізуші АҚШ президентінің "кесілген" басының макетімен суретке түскен.

Басылымның мәліметінше, фотограф Тайлер Шилдс осындай арандату сипатындағы жұмыстарымен белгілі. Сондай-ақ, тележүргізуші фотосеттен кейін олардың түрмеге қамалуы мүмкін болғандықтан бірге Мексикаға көшіп кететінін айтып әзілдеген.

Ал кейінірек АҚШ құпия қызметінің Twitter желісіндегі парақшасында осы жағдайға байланысты жазбалар пайда болды. "Осы мәселемен айналысып жатырмын. Құпия қызметінің сенімді барлау бөлімшесі бар. Олар әлеуметтік желілердегі жазбаларды бақылап отырады", - делінген жазбалардың бірінде.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай