Түркияның орталығында орналасқан Кайсери қаласында университет маңында автобус жарылып, бірнеше адам қаза тапты, біршамасы жараланды, - деп хабарлайды РИА Новости жергілікті БАҚ өкіліне сілтеме жасап.
Қауіпсіздік қызметіндегі дереккөздің мәліметінше, автобус әскерилерді тасымалдаған. Оқиға орнына жедел жәрдем көліктері келген. Әзірше бұл жарылысты ешкім өз мойнына алған жоқ. Нақты қанша адамның қаза болғаны туралы мәлімет жоқ.
Түркияда терактілер соңғы кезде жиілеп кеткен. 10 желтоқсанда Ыстамбұлда екі жарылыс болып, 44 адам қаза тапты.
