+7 (777) 001 44 99
Қазақша
Русский
English
Түркия Финляндия мен Швецияның Солтүстік Атлантикалық альянсқа (НАТО) кіруін қолдамайды, - деп хабарлайды Tengrinews.kz тілшісі DW сайтына сілтеме жасап.
НАТО Бас хатшысы Йенс Столтенберг Түркия Сыртқы істер министрі Мевлют Чавушоғлумен өткізген ортақ баспасөз мәслихатында Швеция мен Финляндияның НАТО-ға тезірек қабылдануы керектігін және Түркияның Солтүстік Атлантикалық альянсқа кіру талаптарын орындап қойғанын айтты.
"Финляндия мен Швецияны НАТО-ның толыққанды мүшелері ретінде қарсы алатын уақыт келді, бұл ұйымның өзін нығайтады және оған кіретін барлық елдердің қауіпсіздігін арттырады", - деді Столтенберг.
НАТО бас хатшысы 4 қараша, жұма Түркия президенті Режеп Тайып Ердоғанмен екі елдің альянсқа қосылу мәселесін талқылайтынын айтты.
Мевлют Чавушоглу Йенс Столтенбергке Түркия мен Швеция арасындағы қарым-қатынаста ілгерілеушілік байқалғанымен, екі ел арасында шешілмеген мәселе көп екенін, олардың НАТО-ға қосылуын қолдай алмайтынын айтты. Оның айтуынша, Финляндия мен Швеция Анкара қойған барлық талаптарды әлі орындамаған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
