+7 (777) 001 44 99
Қазақша
Русский
English
Қазақша
Русский
English
Түркияда жер сілкінісі құрбандарының саны 20-ға жетті, мыңнан астам адам зардап шекті, - деп хабарлайды Tengrinews.kz тілшісі Reuters порталына сілтеме жасап.
Малатья мен Элязыг шығыс түрік провинцияларында жер сілкінісі салдарынан қаза болғандардың саны 20 адамға дейін өсті,1015 адам жарақат алды. Түркияның Төтенше жағдайлар және табиғи апаттар жөніндегі агенттігінің мәліметтері бойынша, 16 адам Элязыг провинциясында және төрт адам көрші Малатья провинциясында көз жұмған.
Түркияның ішкі істер министрі Сулейман Сойлу құтқарушылар үйінділерді қарап жатқанын хабарлады, олардың астынан тағы 30 адам табылуы мүмкін.
Элязыг провинциясы Сивридже қаласының маңында магнитудасы 6,8 жер сілкінісі жұма күні сағат 23.55-те (Нұр-сұлтан уақыты бойынша) болған. Төтенше жағдайлар агенттігінің мәліметінше, табиғи апат аймағында 28 түрік провинциясынан 493 құтқарушы команда жұмыс істеп жатыр. Жер сілкінісі аймағына 1689 шатыр, 1656 кереует және 9200 көрпе жеткізілді.
БАҚ өкілдерінің хабарлауынша, жер сілкінісі Иран, Сирия және Ливанда да сезілген.
© Reuters
