+7 (777) 001 44 99
Қазақша
Русский
English
Қазақша
Русский
English
Түрікменстанда жергілікті билік өкілдері америкалық "Призрачная шестерка" фильмі прокатқа шыққан соң халық арасында АҚШ-қа қарсы насихат жүргізіп жатыр. Биліктегілердің айтуынша, фильмдегі оқиғалар мен кейіпкерлер Түрікменстанды еске салады, - деп жазады "Радио Азатлық".
Басылымның мәліметінше, ұлттық қауіпсіздік пен ішкі істер министрліктерінің қызметкерлері, прокуратура өкілдері мектептер мен мәдениет үйлерінде кездесулер өткізіп жатыр.
Жиналғандардың барлығы таяуда прокатқа шыққан Netflix кинокомпаниясының "Призрачная шестерка" ("6 Underground") фильмін талқылаған.
Жергілікті билік өкілдері Американы "түрікмен халқының жауы" деп атаған. "АҚШ біздің елдің ойран ету үшін барлық әрекетті жасап жатыр. Олар халықтың наразылығын туғызу үшін барынша тырысып жатыр", - деп келтірген журналист жиынға қатысушылардың бірінің сөзін.
Басылымның мәліметінше, қазіргі уақытта билік өкілдері жаңа фильмнің прокатына қарсы шаралар қолданып жатыр.
