+7 (777) 001 44 99
Қазақша
Русский
English
Қазақша
Русский
English
Еуропа комиссиясының төрағасы Урсула фон дер Ляйен Украинаның Еуропа Одағына қосылуына қолдау көрсетті, - деп хабарлайды Tengrinews.kz тілшісі Reuters-ке сілтеме жасап.
Еуропа комиссиясының төрағасы Урсула фон дер Ляйен Euronews-ке берген сұхбатында Киев пен Брюссель бірқатар мәселе бойынша тығыз жұмыс істейтінін, Украина кейбір еуропалық процестерге қатысатынын айтты. Соның ішінде Украина нарығын ЕО-ның бірыңғай нарығына интеграциялау мәселесі де бар.
We are stepping up our support for Ukraine.
— Ursula von der Leyen (@vonderleyen) February 27, 2022
For the first time, the EU will finance the purchase and delivery of weapons and equipment to a country under attack.
We are also strengthening our sanctions against the Kremlin.
https://t.co/qEBICNxYa1
"Біз энергетика саласында, басқа салаларда да өте тығыз ынтымақтасамыз. Уақыт өте келе Украина ЕО-ға қосылуы керек. Бұл - біз Еуропа отбасында көргіміз келетін ел", - деді Урсула фон дер Ляйен.
ЕО бұл соғысты тоқтатуға дайын ба деген сұраққа ЕК төрағасы соғысқа қашан да қарсы екенін айтты.
Just spoke to President @ZelenskyyUa who leads the determined resistance to the Russian invasion.
— Ursula von der Leyen (@vonderleyen) February 27, 2022
I explained to him the strong and immediate measures we are taking to support Ukraine’s defense, its economy & the refugees, as well as the new sanctions against Russia and Belarus. pic.twitter.com/5OEY0Ay7H7
"Біз қашан да соғысқа қарсы болдық. Украина бұл соғысты ешқашан қаламады. Путин бастап, басқарып отыр. Сондықтан қаржы және экономика саласындағы қатаң санкцияларға жауап береміз. Бүгін санкциялардың үшінші пакетін ұсындым. Мысалы, кейбір ресейлік банктерді SWIFT жүйесінен ажыратып, ресейлік орталық банктің активтерін бұғаттауға дейін шаралар қабылданды. Жеке тұлғалар да санкцияға ұшырайды. Алғаш рет Еуропа Одағы Украинаға қару-жарақ жібереді. Бүгін тағы екі қадам жасалады: ресейлік ұшақтарға әуе кеңістігі жабылады және Russia today және Sputnik-ке тыйым салынады. Өйткені олар - Кремльдің үгіт-насихат жасайтын басты құралы", - деді ол.
Айта кетейік, 23 ақпанда Ресей президенті Владимир Путин Донбасста арнайы әскери операция өтетінін мәлімдеді. Сонымен қатар ол Ресейдің жоспарында Украинаға шабуыл жасау мақсаты жоқтығын айтты. Осы уақытта CNN тілшісі Киевте тікелей эфир кезінде бірнеше жарылыс дыбысын естігенін айтты.
Бұған дейін Ресей Украинаға толыққанды шабуылды бастағаны хабарланған болатын. Жергілікті тұрғындар да Ресей мен Украина шекарасындағы бірқатар қалада жарылыс болғанын айтты.
Кейін Украина президенті Владимир Зеленский бүкіл елде әскери жағдай жарияланғанын мәлімдеді.
Украинадағы қазақстандықтар эвакуацияланады - СІМ
Сілтемесіз жаңалық оқисыз ба? Онда Telegram желісінде парақшамызға тіркеліңіз!
