+7 (777) 001 44 99
Қазақша
Русский
English
Геноцидке қатысты айыптау ісі бойынша алғашқы қоғамдық тыңдау күні белгіленді - Украина Ресейге қарсы, - деп хабарлайды Tengrinews.kz тілшісі соттың баспасөз қызметіне сілтеме жасап.
Гаагадағы халықаралық сот 7-8 наурызда Украинаның Ресейге қарсы шағымын тыңдайды.
"2022 жылы 7 наурызда және 8 наурызда Гаагадағы Бейбітшілік сарайында Халықаралық сот, БҰҰ-ның бас сот органы геноцид қылмысының алдын алу және жазалау бойынша Конвенцияға сәйкес көпшілік алдында тыңдаулар өткізеді, Украина Ресейге қарсы", - делінген хабарламада.
Тыңдау кезінде Украинаның уақытша шаралар енгізу туралы өтініші қаралады. Сонымен қатар, COVID-19 пандемиясына байланысты кездесулер гибрид форматта өтеді. Іс бойынша екі тарап өкілдері жеке немесе бейне байланыс арқылы қатысады. БҰҰ соты Ресейді Украинамен дау аясында алдын алу шараларына дайын болуға шақырды.
Еске салайық, 27 ақпанда Украина Ресейді агрессияны ақтау үшін геноцид тұжырымдамасын бұрмалағаны үшін жауапкершілікке тартуды талап етіп, Халықаралық сотқа ресми түрде Ресейге қарсы шағым түсірген болатын.
1 наурызда Гаагадағы халықаралық қылмыстық сот (ХҚК) Украинадағы жағдайды тергеуді бастайтыны белгілі болды.
Сол күні Ресей сыртқы істер министрі Сергей Лавровтың БҰҰ конференциясында сөйлеген сөзін көрсету кезінде 40-қа жуық Батыс елдері мен олардың одақтастары, соның ішінде Жапониядан келген 100-ден астам дипломат Ресейдің Украинаға басып кіруіне наразылық ретінде бойкот жариялап, залдан шығып кетті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
