+7 (777) 001 44 99
Қазақша
Русский
English
Моңғолия астанасында Нұр-Сұлтан көшесі пайда болады. 14 ақпанда Қазақстан Республикасының Моңғолиядағы Төтенше және Өкілетті елшісі Жалғас Әділбаев Ұлан-Батыр губернаторы және мэрі Сайнбуянгий Амарсайханмен кездесті, - деп хабарлайды CentralAsia.
Елші Жалғас Әділбаев Моңғолия премьер-министрі Ухнаагийн Хурэлсухтің өткен жылы Қазақстанға сапары кезінде қол қойған келісімдерін жүзеге асыруға дайын екенін айтты және Нұр-Сұлтан көшесін тез арада ашудың маңыздығын атап өтті. Бұл туралы 2019 жылдың қараша айында Ұлан-Батыр өкілінің Қазақстанға сапары барысында талқыланған.
Осы жылдың көктемінде Ұлан-Батыр әкімшілігі моңғол астанасының орталығында Нұр-Сұлтан көшесінің құрылысын бастайды.
"Ұлан-Батыр мен Нұр-Сұлтан арасындағы бауырластық туралы келісімге қол қою екіжақты сауда-экономикалық ынтымақтастықты көтеруге көмектесетініне сенім білдіре отырып, губернатор Сайнбуянгийн Амарсайхан елшінің ынтымақтастықты кеңейту мақсатында туризмге көңіл бөлу керек деген ұсынысын қолдады және олар бір-бірінен қалалық жоспарлау мен оны қалай жасылдандыруды үйрену керектігін айтты", - деп атап өтті басылым.
