+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
"Үлкен жетілік" (G7) елдері радикалды "Талибан" қозғалысынан (Қазақстанда тыйым салынған) 31 тамызға дейін Ауғанстаннан кеткісі келгендерге кедергі жасамауды сұрады. Бұл туралы G7 басшыларының сейсенбі, 24 тамызда онлайн форматта өткен төтенше саммит нәтижесі туралы бірлескен мәлімдемесінде айтылды, - деп хабарлайды Tengrinews.kz тілшісі Deutsche Welle және Euronews басылымына сілтеме жасап.
"Үлкен жетілік" (G7) елдері радикалды "Талибан" қозғалысынан (Қазақстанда тыйым салынған) 31 тамызға дейін Ауғанстаннан кеткісі келгендерге кедергі жасамауды сұрады. Бұл туралы G7 басшыларының сейсенбі, 24 тамызда онлайн форматта өткен төтенше саммит нәтижесі туралы бірлескен мәлімдемесінде айтылды, - деп хабарлайды Tengrinews.kz тілшісі Deutsche Welle және Euronews басылымына сілтеме жасап.
Алда тәліптермен келісімге отыру жоспары бар. Бірақ бұл келісім, егер тәліптер Ауғанстаннан кеткісі келетіндердің бәрінің қауіпсіздігін қамтамасыз етсе ғана жасалады.
"Кез келген үкіметтің заңдылығы тұрақтылықты қамтамасыз ету жөніндегі халықаралық міндеттемелерін орындауда қолданатын тәсілге байланысты", - делінген "Үлкен жетілік" басшылары мәлімдемесінде.
"Үлкен жетілік" ретінде ұсынатын бірінші шарт - "Талибан" 31 тамызға дейін Ауғанстаннан кеткісі келетіндердің қауіпсіздігін қамтамасыз етуге кепілдік беруі керек", - деді Ұлыбритания премьер-министрі Борис Джонсон.
"Кейбіреулер мұндай жағдайда шарт жасау дұрыс емес екенін айтуы мүмкін. Ал біреулер бұл шарттың мағынасы тереңде екенін көреді, өйткені тәліптер шартты орындаса, біздің тараптан экономикалық, дипломатиялық және саяси жағынан қолдау болады", - деп қосты Джонсон.
Prime Minister Boris Johnson says G7 leaders have agreed the "number one condition" imposed on the Taliban is that they should "guarantee the safe passage for those who want to come out" up to August 31 "and beyond".
— Sky News (@SkyNews) August 24, 2021
Latest: https://t.co/vCluG2YOds pic.twitter.com/JmIGGAnGtL
АҚШ президенті Джо Байден АҚШ әскери күштері мен олардың одақтастарының Ауғанстандағы миссиясы тәліптер эвакуацияланатын адамдарға Кабул әуежайына кіруіне кедергі жасамаса 31 тамызда аяқталатынын мәлімдеді. Байден Пентагонға егер әскерді шығаруды кейінге қалдыру қажет болса, төтенше жағдайлар жоспарын дайындауды тапсырды.
Саммитте "Үлкен жетіліктің" Ауғанстан жөніндегі саясатын басқа елдермен үйлестіру туралы шешім қабылданды. Бұл "үлкен жиырмалық" тобындағы ынтымақтастық құруды көздейді, оған Ресей мен Қытай да кіреді.
Еуропалық Одақ ауғандардың қажеттіліктерін қанағаттандыру үшін қаржылық көмекті төрт есе арттыратынын мәлімдеді.
"Біз Ауғанстанға елдің дамуына көмек ретінде келесі жеті жылға миллиард еуро бөлдік. Бұл қаражат шарттардың орындалғанын дәлелдемейінше қатаң кепілдіктер мен сенімді іс-әрекеттер болмайынша жіберілмейді", - деді Еуропалық комиссияның басшысы Урсула фон дер Ляйен.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
