+7 (777) 001 44 99
Қазақша
Русский
English
Реюньон аралындағы Үнді мұхитының жағалауында 13 жастағы француз серфингисін акула жеп қойды, - деп хабарлайды The Daily Mirror.
Элио Канестри есімді жасөспірім аралдың батысындағы суға түсуге тиым салынған жерде жүзіп жүрген. Акула оған жағалаудан 15 метр қашықтықта шабуыл жасады. Басылымның хабарлауынша, акула серфингшінің қолын, аяғы мен ішінің бір бөлігін жұлып алғаннан кейін оның денесін мұхитқа алып кеткен.
Басылымның мәліметінше, аралдағы жағалаулардың көп бөлігінде акула шабуылы қаупінен жүзуге тиым салынған. Мұндай шешім 2013 жылы 15 жастағы қыздың өлімінен кейін қабылданған. Соңғы төрт жылда акулалар адамдарға 16 рет шабуыл жасап, олардың жетеуі қайтыс болды.
Айта кетейік, бұған дейін акуланың шабуылына Мысырда неміс турист ұшыраған еді. Оқиға Қызыл теңіздің Эль-Кусейр жағалауында болды. Жыртқыш балық туристің аяғын жеп қойған. Жарақат алған жігіт ауруханаға бара жатқан жолда қайтыс болды.
