+7 (777) 001 44 99
Қазақша
Русский
English
Үндістанның солтүстігіндегі Химачал-Прадеш штатында көшкін жүріп, көпірді қиратты, - деп хабарлайды Tengrinews.kz тілшісі Reuters-ке сілтеме жасап.
Таудан түскен үлкен тастар микроавтобусты сындырып, кем дегенде тоғыз адам қаза тапқан. Агенттік мәліметінше, өлгендер Үндістанның басқа аймақтарынан келген туристер болған және бірнеше адам жарақат алған. Зардап шеккендерді тасымалдау үшін оқиға орнына тікұшақ барған.
Куәгерлер түсіріп алған кадрлардан тастар үлкен жылдамдықпен төменге құлап жатқанын көруге болады.
#WATCH | Himachal Pradesh: Boulders roll downhill due to landslide in Kinnaur district resulting in bridge collapse; vehicles damaged pic.twitter.com/AfBvRgSxn0
— ANI (@ANI) July 25, 2021
Премьер-министр Нарендра Моди қайтыс болғандардың отбасына көңіл айтты.
Айта кетейік, Үндістанның кейбір аудандарында нөсер салдарынан көшкін мен су тасқыны болды. Өйткені елде жыл сайын маусымнан қыркүйекке дейін жаңбырлы маусым болады. Шілде айында Үндістанның батысындағы Махараштра штатында нөсер жаңбыр салдарынан 136 адам қайтыс болған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
