+7 (777) 001 44 99
Қазақша
Русский
English
Қазақша
Русский
English
Голландиялық суретші 50 жылдан кейін Францияның сирек кездесетін маңызды қазыналарының бірі - көне Рим мүсінін қайтарды, - деп хабарлайды Tengrinews.kz тілшісі WION-ға сілтеме жасап.
Жоғалған өнер туындыларын іздеуде танымал тұлғаға айналған голландиялық тергеуші Артур Бранд Францияға жарты ғасыр бұрын ұрланған ежелгі римдік қола мүсінді қайтарды. Ол клиенттерінің бірі жақында сатып алған кішкентай Бахустың провенансын білуді сұрағанда, осы істе бір шикілік барын байқаған.
RECOVERED: The precious Roman Bacchus of Vertillum (1st century BC), stolen 50 years ago in France, was handed over by me to Catherine Monnet, the museums director. One of the most beautiful Roman antiquities ever found in France (excavated in 1894) is back where it belongs... pic.twitter.com/62UIPftaV6
— Arthur Brand (art detective) (@brand_arthur) February 2, 2022
"Мен қола мүсіннің еш жерде тіркелмегенін білдім. Содан кейін 1927 жылғы суреттері бар ескі каталогты таптым. Мүсін 1894 жылы Франциядағы археологиялық қазба жұмыстары кезінде табылып, содан кейін мұражайға тапсырылғаны көрсетілген. Егер де оның мұражайдағы орны болса, ол қалайша менің көз алдымда тұр деп ойладым", - деді Артур Бранд.
40 сантиметрлік Бахус 1973 жылдың соңында Шатиллон коммунасының мұражайынан ұрланған, қылмыскерлер оны терезеден алып кеткен. Енді бұл мүсін экспозициядағы орнына оралады.
Қола Бахусты қайтару шығындарын екі ұлыбританиялық жеке коллекционер мен Шатиллон қалалық әкімшілігі бөліскен.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
