+7 (777) 001 44 99
Қазақша
Русский
English
АҚШ-тың Огайо штатында сотталушы Рональд Филлипс өлім жазасына кесілді. 43 жастағы Филлипс 1993 жылы өзінің танысының қызы үш жасар Шейла Мари Эвансты зорлап, өлтіргені үшін сотталған. Өлім жазасына кесілердің алдында ол қыздың туыстарынан жалынып кешірім сұрады, - деп хабарлайды L!FE.
Рональд Филлипстің өлім жазасының орындалуы сәтіне қыздың әпкесі мен апасы келген. Ол туыстарының осыншама жыл бойы зұлымдық әрекеттің зардабын шегіп келгендері үшін кешірім сұрады. "Шейла Мари жазықсыз еді. Ол енді қиналмайды, ол Құдайдың жанында", - деді Филлипс.
Қылмыскерге өлім препараты егілген. Ол үндеу жариялағаннан кейін 10 минуттан соң қайтыс болған. Өлер алдында оның түскі асында үлкен пица, екі литрлік кола және құлпынайдан жасалған чизкейк болған.
