Майорканың Инка муниципалитетінде шағын ұшақ пен тікұшақ соқтығысып, салдарынан жеті адам қаза тапты, - деп хабарлайды РИА Новости.
"Инкада тікұшақ пен ұшақ соқтығысып, тікұшақтағы бес адам мен ұшақтағы екі адам қаза тапты", - делінген Балеар аралдары үкіметінің хабарламасында.
Испания үкіметі төрағасының міндетін атқарушы Педро Санчес қаза тапқандардың туыстары мен жақындарына көңіл айтты.
"Сұмдық апаттың салдарынан қаза тапқандардың отбасыларына көңіл білдіремін", - деп жазды ол Twitter желісінде.
