Коронавирусқа қарсы вакцинация инфекциядан болатын өлім жағдайын шамамен 80 пайызға азайтады. Бұл туралы вирусолог, Ресей ғылым академиясының корреспондент-мүшесі, Энгельгардт атындағы молекулярлық биология институтының жасушалық пролиферация зертханасының меңгерушісі Петр Чумаков айтты, - деп хабарлайды Tengrinews.kz тілшісі URA.RU-ға сілтеме жасап.
"Зерттеу бойынша вакцина алған адамдарда өлім аз тіркелген. Сондай-ақ, вакцина созылмалы ауруы бар адамдарда өлімді айтарлықтай төмендетеді. "Спутник V" өлімге әкелетін жағдайларға қарсы тиімділігі 80 пайыз. Сондықтан, вакцина алу қажет. Антидене мөлшерін көбейтетін күшейткіш дозаны да салдыру керек", - деді Петр Чумаков басылымға берген сұхбатында.
"КЭГ" келісімшарттық-зерттеу компаниясының бас директоры, иммунолог, медицина ғылымдарының кандидаты Николай Крючков агенттікпен әңгіме барысында "Спутник V" вакцинасының тиімділігі шетелдік мРНҚ-вакциналарына ұқсас екенін айтты.
"Спутник V" препараты тиімділігі жағынан мРНҚ вакциналарына жақын. ДДСҰ Pfizer, Moderna вакциналарын ең тиімді вацина деп санаған болатын. Аденовирустық векторға қарағанда оларға жақын: AstraZeneca, Johnson & Johnson", - деді ол.
Иммунолог пікірінше, омикрон штамының келуі вакциналардың тиімділігін төмендетпейді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!