+7 (777) 001 44 99
Қазақша
Русский
English
Қазақша
Русский
English
COVID-19 індетіне байланысты 2019 жылдан бері кедейлікте өмір сүріп жатқан балалардың саны 100 миллионға жетті, - деп хабарлайды Tengrinews.kz тілшісі Біріккен Ұлттар Ұйымының Балалар қорының (ЮНИСЕФ) есебіне сілтеме жасап.
Қордың есебінде COVID-19 кезіндегі кедейлік, денсаулық, білімге қол жетімділік, тамақтану, балаларды қорғау және психикалық салауаттылық сияқты балалық шақтағы негізгі мәселелерді шешуде ондаған жылдар бойы алға жылжуға әкелетін әртүрлі қиындықтарға тоқталады.
"COVID-19 пандемиясы біздің 75 жылдық тарихымызда балалар үшін прогреске төнген ең үлкен қауіп болды. Аш, мектепке бармайтын, зорлық-зомбылыққа ұшыраған, кедейлікте өмір сүретін немесе үйленуге мәжбүр болған балалардың саны өсіп, медициналық көмекке, вакцинаға, жеткілікті тамақтану мен негізгі қызметтерге қол жетімді балалар саны азайып келеді. Біз алға жылжудың орнына артқа кетіп барамыз", - деді ЮНИСЕФ атқарушы директоры Генриетта Фор.
Бұған қоса, қазір 60 миллионға жуық бала кедей отбасында тұрады, ал 23 миллионнан астам бала қажетті вакцинаны алмаған, бұл соңғы онжылдықтағы ең жоғары көрсеткіш. Әлемде 10 мен 19 жас аралығындағы жасөспірімдердің 13 пайыздан астамы психикалық тұрғыдан зардап шегеді.
ЮНИСЕФ-тің мәліметі бойынша, бүкіл әлемде 426 миллион бала қақтығыс жағдайында, әйелдер мен қыздарға жыныстық зорлық-зомбылық қаупі төніп тұрған аймақтарда тұрады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
